لا العاهرة اتوب ولا الماي يروب
*لا العاهرة اتوب ولا الماي يروب*
ا. د. ضياء وأجد المهندس.
امراة سألت الشيخ ((عبد الغفار العباسي ))، الذي كان يقدم برنامج ديني في كل جمعة على قناة الشباب في التسعينات
قائلة : شيخنا اني سلوى من بغداد ..
قال الشيخ: اي سلوى تفضلي شنو سؤالك ؟
سلوى: شيخنا اني خنت زوجي مع زميلي بالدوام، واريد اتوب، بس ما اعرف شلون؟؟ وحاسة ماكو امل!!!
الشيخ: لا يا سلوى لا .. الله دائما موجود، مهما حصل انتي بس تقربي منه وضعي حملك كله عليه..
سلوى: على زميلي..؟
الشيخ: لا على الله يا سلوى، المهم ديري بالك تأيسين لان التوبة بابها دائماً مفتوح، والله سبحانه وتعالى ابد ما يقفله، انتي بس روحيله لبيته وهو ما يردلك طلب ..
سلوى: اروح لبيت زميلي؟
الشيخ: لا يمعودة يا سلوى ,, بيته يعني تروحين للحج او عمرة مثلاً، وديري بالك العمرة كلها لازم تكون النية خالصة لوجهه تعالى، وتتركين له زمام امرك وتخضعين له وتسلميله نفسك.
كالتله: اسلم نفسي لزميلي..؟
الشيخ: بربوك، انت متاكدة تريدين أتوبين ؟
*رباط سالفتنه* الجماعة صارلكم 20 سنه تلفطون بفلوس العراق، وكلكم تگولون غلطنه بحق الشعب ،،
رحمه للعراق انتوا متأكدين تريدون اتوبون لو مثل سلوى يا اخوات سلوى !!
تروحون فدوة الى سلوى..
البروفيسور د ضياء واجد المهندس مجلس الخبراء العراقي