هل يخفى القمر
((هل يخفى القمر))
بقلمي
هل يخفى القمر وانته المضوي الليل.
والمايشوف نورك يمكن يجذب.
مسويها نهار إشعاع نورك هذا
اغمض عيوني لازم من أريد اجهب
اتردد اهوايه من يهزني الشوك.
الك وادري بشعورك هو الي اقرب
افتح باب كلبي بلهفه اكلك فوت.
كلهن حاضرات شما ردت تطلب.
الهله والمرحبه واتفضل وحياك.
وانته براحتك شتفضل وشتحب.
لذلك حيرتني لان كلهن بيك.
من هذا الاشوف هواي مستغرب مو يم الوصف لمن اسولف بيك.
طبيعي من الخيال شما اكول اغرب
كل هذا الحجي وتريد عيني تنام.
على عيونك اظل حاير شاكتب
محتل كل خيالي وانشغل وياك
احلى احساس عندي من اكتب المغرب
تمر ساعات ليلي أكظيها بالتفكير
ماادري بغرامك شاارفع شاانصب
تاخذني العواطف كد حلاة البيك.
كل هذا وتلوم الكلب ليش يحب.
انه عندي مشاعر مو مثل هالناس
يتحرك احساسي من اظل اكتب.
أعبر عن شعوري انه بهيج اسلوب
لان اعرف احساسي سيف ومجرب
طبيعي من اسولف اعرف شما اكول.
ادور شنو براسي الاحلى والارغب
طبعا ما ابالغ بالاسولف بيه.
اكول اللي بكلبي وطبعي مااكذب
لان حلوه الصراحه والحجي المعسول
من طبع اليحب مااعتقد يذنب
لذلك كل كلامي من كلب ولسان.
انه المهم عندي لكلبك اتقرب.
ادك باب الكلوب اللي تحن بشوك
التحب الطبيعه الافضل الانسب
لان حلوه الحياة البيها هيج احساس.
من حك الكلوب بكل زمان تحب..