وجه الصبح
( وجه الصبح )
على وجه الصبح متأملين أهل الله بكل خير
نحت كل واحد .. بقلبه حلم شخصه و غنى به
تضيق نفوسهم حسره و لا تعجز عن التعبير
تعلمو حب هذي الارض .. فدوه الروح لترابه
أغانيهم أمان .. أوصال .. راحة بال مافي غير
طعم عيشآ كريمآ .. تستلذ العين تسلى به
هي الدنيا تعلمهم .. تفسر هالحياة تفسير
مثل ما قال كل مكرود حنا نعيش في غابه
ترى هالارض ماتظلم تريد تشوف رزق الطير
و فقير الحال ماضره .. و قل المال ما عابه
لو تحب النفوس اشياء .. يفتح بابها وتصير
سما .. من فوقها رب كريم الرزق يرعى به
بعض احلامهم واقع .. و يدفنها الزمن بالبير
مثل يوسف عسى الله تنكشف ويعود لحبابه
مثل طفلا فقد أمه .. و تعجز روحه التصوير
عن أشواقه عن اللهفه .. و ينطر قعد في بابه
من يعانق حلم ضايع .. بعد فتره من التأخير
تخضر روحه .. و يطفي لهيب البعد و صوابه
يسولف ليلهم قصة تأمل .. تنتظر تبشير
رغم ما حولهم بالكون …. كلن كشر انيابه
تشوف بعينهم عزة نفس منتظره التحرير
معا رماد المدينه و ذكرياتآ كان تتجابه
بياض قلوبهم واقع رغم قسوة هل التهجير
يحاول هزت قلوب الغيارى الحقد و اسبابه
تبعثرهم عواصف غيض كبرت فوقهم تكبير
مصيبة لا غدى ابن ادم .. أخوه يصير طلابه
حكي واقع أنا شفته .. ولا يحتاج له تفسير
حرام أنا .. عن المكشوف يااهل الله نتغابه
يعين الله عين أنسان .. نامت تدعي التغيير
عسى تصحى وسيف الظلم عن الناس بقرابه
بقلم
محمد الظفيري