اللقاء الثاني
((اللقاء الثاني))
عندما يكون الشوق بحجم الحب ..تحل الأمنيات..
بقلمي
اسولف بيك كل لحظه التمر بيه
اسولف بيك
ومدري بيا محطة من العمر صدفه
يمر طاريك..
واكول تهون ..بلكي تهون.
تعال وشوفني بياحال .هذا الشوك اذاني..
يمكن من تجي غفله
ملامح راح تلكاني.
لان مشتاكلك كلش
ماعندي امل ثاني..
مر كطرة ندى
وبلل شفاف الروح..
يبسها الحنين..
وبقى الشوك يفيض
أثر سوه العطش بيها. .
وانه بيها المسافه البينك وبيني شتلت عيون.
ورغم هاي المسافة
وانه افكر بيك.
لان مشتاك كلش
مو كلام وبس ..
تعال واسأل عيوني.
واريد تحس.
محتاجك صدك
مو بس حجي الينكال.
تعال تاكد بروحك.
تعال وشوفني بعينك.
صرت تمثال….
احسبها المسافه البينك وبيني ودشوف شظال..
تعال اسمع نبض كلبي ..
شيكول شيحجي شيسولف..واسمعه شكال.
تعال وشوف شوكي شكد ..
صدكني من اكلك
شوك البروحي فلا ينعد..
مااكدر اسولف كلشي البكلبي..
لان بيه سوالف صعبه احجيها.
لان كل السوالف بيك طاريها..
تعال وشوفي شبيه
نارك هاي بيه وانته طفيها..
تعال وشوف شوكي شكد..
وصل ياصوب بيه ليا مسافه امتد.
وجس نبض المشاعر
بس تظل تفيض.
واسكت لا تكل لحد
تعال بسرعه طفيها
وعلى هذا الوضع بس لاتخليها..
خايف…. لا تصيح بروحي صرخة شوك…
واخاف عيوني تفضحني من اكولن كلمه واحجيها..
احس بداخلي بركان
لان مشتاك الك ياشوك..
يمكن ماكو عد احد .
تعال اجتاف جتفني
وأخذ حكك.
شكد مشتاك الي
مشتاك انه بكدك ..
يمكن من اشوفك
يطفح المضمون
واتبدى عشك وانكلب كلي عيون.
وراسي يميل من شوكي ويدور متون.
وراح تشوفني ..
مو انه البالك.
شيصبرني من اشوفك انته كدامي
شكظ من شوكي شتمالك.
ويمكن انتي تسألني وتكلي شبيك وشمالك.
وتشوف شلون. اصير اكبالك اشكم لون.
وراح تشوف بعيوني
شوك اول لقاء البيه جنت مجنون.
وهسه شلون نتلاكه وماادري اللقاء شلون راح يكون..
نفس البيك بيه نفيض بس احساس
خليني اشوفك وشيكون يكون..
مايهمنه الحجي وشتكول هاي الناس
ونتجاوز خطوط الحمر والممنوع..
ولازم نوصل المضمون.
نار البينه ماتطفى اذا مانوصل المضمون..
وطبعا راح تعذرني انه بحبك صدك مجنون..اي مجنون
صدكني انه مجنون.