توقعات ابراج ماغي فرح 2023 حظك اليوم مع توقعات الأبراج لشهر تموز يوليو اليوم الأحد 30/ 7/ 2023

# توقعات ابراج ماغي فرح 2023
# حظك اليوم مع توقعات الأبراج لشهر تموز يوليو اليوم الأحد 30/ 7/ 2023
برج الحمل ♈

يوم منيح لحل مشاكل واخبار ساره للجميع..
كل شي عم يتغير لصالحك تدريجيا فتحرر اليوم وفكر بحلول واطلع من الأجواء الكئيبة يلي سيطرت عليك وارجع من جديد بحال أفضل لازم تستغل هيك ايام لتكون بموقع ايجابي وتقدر ترجع ثقة الناس فيك وماتفكر بالماضي وتنجح كمان ..
عاطفيا .. خليك واضح بتعاملك مع الشريك واليوم اذا كان في مشكلة ممكن تنحل ..
■النسبة المئوية :
●مهنيا : %92 ●ماليا : %84 ●عاطفيا : %87 ●صحيا : %80

برج الثور ♉

بدي منك تصبر وتهدي بس هاليوم ليمر ..
كتير قصص عم تصير ماعم تعرف الها سبب وليش هيك عم يصير عم تكون مو عبعضك كأنو وفي ناس اعداء الك عم تحاول توقعك والأمور كلها واقفة عندك بدي منك تهدى وتنتبه وماتكون مهمل والوضع العام عم يخليك حذر زيادة بس لاتخاف فترة وبتمر ..
عاطفيا .. عم تتفاجئ بشخص وعم يصدمك تعاملوا معك لاتتسرع وانتظر لتوضح الامور ..
■النسبة المئوية :
●مهنيا : %59 ●ماليا : %61 ●عاطفيا : %57 ●صحيا : %65

برج الجوزاء ♊

يومك منيح لتلتقي اشخاص بتحبن ..
كتير اجواء اجتماعية ناطرتك بهاليوم وعم تكون ملفت للنظر و عم تتلقى دعوات وعزايم من الاصدقاء او انت يلي عم تعزم وتكون ملفت للكل حاول لاتضل لحالك لان طاقتك بتستمدها من رفقاتك واترك قلقك بعيد عنك واطلب مساعدة اذا احتجتها ..
عاطفيا .. يبدو انك بحاجة لخيارات اوضح بعلاقاتك لأنك ماعم تعرف شو بدك ..
■النسبة المئوية :
●مهنيا : %77 ●ماليا : %69 ●عاطفيا : %74 ●صحيا : %71

برج السرطان ♋

يوم منيح لشغل وقصة ترقية وامتحان الك ..
يبدو انو عندك ايام مهمة باللقاءات والاختبارات عم تمر فيها وفي قصص عم تصير بالشغل عم تكون سبب عند أعدائك ليحاولوا يأثرو عليك ويضعفوك خليك دقيق ولاتخاف كل شي رح يكون منيح بس انتبه لاتسمح لشخص يستفزك وجهز منيح اذا عندك امتحان ..
عاطفيا .. الشريك ماعم يقدر ظروفك يمكن وعم يكون في حدة بالتعامل معو فانتبه وهدي الاجواء ..
■النسبة المئوية :
●مهنيا : %76 ●ماليا : %66 ●عاطفيا : %63 ●صحيا : %69

برج الأسد ♌

منيح يومك لسفر وحلول واخبار حلوة ..
عم يكون يوم جيد ومميز بكل شي وفرص عندك لسفر واتصالات بعيدة وانتبهلي من حوادث السير وممكن تتعامل مع ناس غريبة اول مرة بتحكي معن يوم ايجابي داعم الك حاول تستفيد منو وادعم مصالحك لتحصل على يلي بدك ياه ..
عاطفيا .. يمكن صار لازم نحط حد للماضي ونفكر بحياتنا وفي حب عم يكبر بالاجواء ..
■النسبة المئوية :
●مهنيا : %85 ●ماليا : %83 ●عاطفيا : %80 ●صحيا : %78

برج العذراء ♍

عم تتحسن امورك المالية والمهنية ..
يمكن بلشت الأوضاع تتغير لصالحك نسبيا بعد ماكنت مرتاح وبعد اسبوع صعب ممكن هاليوم تهدى فيه وتعيد حساباتك المالية بما يخص الشراكة حاول تقري وجهات النظر وتنتظر حلول لمشكلة قضائية او شفاء من شي مرض اتعبك قبل ..
عاطفيا .. لاتضغط على الشريك وتحملو هالفترة لان رح تكون صعبة وفيها مشكل وفرصة هاليوم لمصالحة ..
■النسبة المئوية :
●مهنيا : %66 ●ماليا : %73 ●عاطفيا : %67 ●صحيا : %70

برج الميزان ♎

عزز شراكاتك وفكر بنجاحك ولاتنفعل ..
عم يكون الجو كتير متوتر بعللقاتك لكن يمكن هاليوم بيحملك عقد لشراكة لكن الأجواء بالمجمل كتير فيها ضغط خليك منتبه ولا تنفعل لازم الناس يلي معك تنتبه من ردة فعلك يلي رح تكون مؤذية اذا انفعلت زيادة او اذا استفزوك ..
عاطفيا .. يمكن عم تفكر ترتبط بهاليوم او اذا كنت مرتبط فعلاقتك عم تمر بحالة من العصبية وعدم الرضا فانتبه ..
■النسبة المئوية :
●مهنيا : %68 ●ماليا : %63 ●عاطفيا : %57 ●صحيا : %60

برج العقرب ♏

منيح يومك لشغل جديد ومسؤوليات ناطرتك ..
نظم امورك وبلش بالضروري بهاليوم لأن يمكن ماعم تكون مرتاح من الصبح عندك شغل كتير وبتحس انك متعب ومرهق ومو قادر تعمل شي وانو لازم تلحق هالحالة لازم تتخلص منها وتحاول تنهي الاعمال الضرورية وتنتبه كمان لصحتك ..
عاطفيا .. كتير من الاشخاص يلي معك بتظهر اعجابها فيك لكن انت عم تبحث عن الشخص يلي ممكن يعملك فارق بحياتك ..
■النسبة المئوية :
●مهنيا : %63 ●ماليا : %57 ●عاطفيا : %66 ●صحيا : %59

برج القوس ♐

منيح يومك بالعاطفة والحظ والوضع العائلي ..
عم تدخل مرحلة جديدة فيها اخبار حلوة بعد مشاكل البيت والتوتر يلي كان وحالة عدم الراحة بتنقلب لاوقات حلوة بهاليوم وبتحل مشاكلك وبتسمع اخبار حلوة وفي عندك فرص بتجيك وبتنبسط بيوم ايجابي رغم كل ضغوط الفترة الماضية ..
عاطفيا … حاول تطلع من حالتك وعيش رومنسية وحب مع الشريك واذا اعذب فرصة لتلاقي حبك ..
■النسبة المئوية :
●مهنيا : %82 ●ماليا : %84 ●عاطفيا : %88 ●صحيا : %78

برج الجدي ♑

بدي منك تنتبه من تغييرات ولوضع أهلك ..
كتير قصص عائلية عم تشغلك بهاليوم وأنت مو بأفضل حالاتك ويمكن انت مشغول بالك على حدا من اهلك بهاليوم وهالشي عم يخليك قلق ومو مرتاح بالمجمل روق وساير وكون حكيم وحاول تكون هادي وحكيم لتمر الامور على خير وممكن تنقل على مكان شغل جديد ..
عاطفيا .. بعدك عم تحلى والعيون عليك بس للأسف ماحدا عم يعطيك الحب والاستقرار اللازم ..
■النسبة المئوية :
●مهنيا : %60 ●ماليا : %62 ●عاطفيا : %67 ●صحيا : %57

برج الدلو ♒

منيح يومك لتتحرك تلتقي ناس وتسافر ..
تطورات ايجابية ناطرتك بهاليوم وانت عم تكون أفضل وتحسن عندك على كتير من الاصعدة بتقدر تسافر وتغير جو وتتلقى اتصالات وتعبر عن رأيك وكمان بتصل للي بدك ياه المهم تكون مستعد وتتواصل صح وتنتبه اذا حدا من الاخوة بكون بحاجتك ..
عاطفيا .. لاتزعج حالك بقصص صغيرة وحاول اليوم تعزز علاقتك بالشريك ..
■النسبة المئوية :
●مهنيا : %75 ●ماليا : %71 ●عاطفيا : %77 ●صحيا : %80

برج الحوت ♓

منيح هاليوم لشغل ومال بتحصل عليه ..
يمكن مصاريفك صارت زيادة كتير وضعك المالي مو مريحك ممكن يكون في دفع كتير وعدم رضا عن مردودك هالفترة وبدك هيك تفرج عليك وترجع امورك المالية تصير منيحة وهالشي قريبا ويمكن انت عم تفكر بمشروع جديد ..
عاطفيا .. تعامل مع اي علاقة عاطفية متعبة الك بالنسيان وبكفي تعب من الماضي ..
■النسبة المئوية :
●مهنيا : %68 ●ماليا : %70 ●عاطفيا : %73 ●صحيا : %75
# ابراج ماغي فرح