كاس الندامه
(( كاس الندامه))
بقلمي
هواي تغيرت…. ماراح تعرفني.
بسبب سجين هجرك انته ذابحني.
ماتدري السبب هو انه ساكت ليش
جرحك مو بسيط هواي كلفني.
خذت مني الظنون هواي بالتفكير.
ومدري بيا طريقه راح تقنعني .
طبعي ابيض كلب لمن مشيت وياك
بس متوقعت فد يوم تجرحني.
طحت اكبال عينك ماكلتلي شبيك.
بالنسبة اليه شنو شحاسبني.
ماادري شنو موقعي من الاعراب
وبدفتر افكارك شنو شكاتبني.
محبس جنت بيدك مااخالف راي.
ولكن مامحسب راح تخدعني.
جنك مو طرف وياي بالموضوع .
وبهاي الظروف شعجب عايفني.
اصفر صار عودي وذبل من الشوك.
من كاس الندامه
الوكت شربني.
طبعي من انجرح اتسلى بالاهات .
تره البيه الك هو المسكتني..
نقطة ضعفي جانت ماازل وياك
وحبل المستحه من الناس جتفني.
ماجان اعله بالي تكلي الله وياك
على نار الشماته الوكت كلبني.
هن هواي صاير ماسالتك ليش.
على ياهيه منهن تجي تحاسبني.
بعد ماسومرن من كثر مااهم بيك
جروحي من كلامك حيل تعبني.
وكل البيه منك ماسالتك ليش.
ساكت وانته هسه تجي تعاتبني. فقدت اخر امل من شفتك تماديت.
هواي تغيرت ماجاي تعجبني.
اكلك شح حنانك من رحت لليوم.
من حسيتك انته برخص بابعني.
مشكلتي المهم بس كون اريد انساك
علمني الطريقه شلون ساعدني..
ماترهم بعد نفترق لازم كون..
واسلوبك بعد ماعاد ينفعني….