اجمل قصيدة
(( اجمل قصيدة ))
الحياة تجارب واحلى مابالحياة هو الحب إلى كل من عاش التجربه مع الود
بقلمي
أنتي اجمل قصيده بعمري اكتبها.
ومدري بيا طريقه راح ارتبها .
اكتبها بمشاعر ماتجي عالبال.
وبحروف العشك ارفعها وانصبها.
انتي المبتدأ والخبر بالإعراب..
حلوه الجمله اذا وياج اعربها..
علميني عليج هواي انه محتاج.
من غيرج حياتي جنت مااحبها.
من اول لقاء حسيت اكو تغيير
بحياتي وروحي اشك العشك داعبها
لان هي المشاعر بيه نفس البيج.
وكلت هالمرحله لازم اواكبها.
عندج جاذبيه وحلو هيج اسلوب
كلشي البيج طبعا روحي جاذبها
كلش مقتنع مهما النتيجه تكون
بالساني وقناعة جنت طالبها .
واقع حال لازم اقتنع باللصار.
لان كل الظروف حساب حاسبها.
جانت صدفه حلوه وابد مو عالبال
سبحانه الجمعنا بنفس قابلها..
اختلف كلشي بحياتي من الاف للياء
و دعيت الباري بلكت الي يقربها.
شغلتني الظنون وفكرت بس بيج
انتي أقرب لروحي والكلب حبها..
العليها تعملت شغلتني بالتفكير
حلوه التجربه وياج اجربها.
حجيت العنده كله والذي اتمناه..
المشاعر عندي تحتاج اليجاوبها .