طريق الجنة
(( طريق الجنة ))
كريم الرسام
على دربك اجــــت تزحف ملايين
ياســــــــيف العداله وراية الدين
نجددلك عهـــد رخصــنه الارواح
وعلى نفس النهج ويــــــاك باقين
بكد حبها الك تطـــــوي المسافات
مشـــــــاعر صادقه بكل العناوين
طغى لــون الحزن بعيونها الناس
وأسمك من يمــر مــاتسكت العين
بعـــد بينـــه دمــــع بلكت نوافيك
ونــذرنه اركابنه لحلك السجاجين
ابدمو مستحب واجب نجي نزور
الحجة بكعبتك محســوبه سبعين
تطوف بحضرتك من كل الاطياف
لان فكرك حمل كل المضــــــامين
بلهفه من نجي يدفعنه الاحساس
بطريق الجنة تلكه شـــكد براهين
كل خطوه المشت تمسح بالذنوب
ونصـيح من الكلب لبيك يحسـين
مـــــــــا يمنعنا منك عدنا اصرار
ندوس اعله المنايا واحنه ماشين
عابس مــــن برز كالولــه مجنون
وبحبك نعــــم كلهــــــا مجــــانين
اجت تزحف عليــــك ازغار واكبار
ومشاعر بالعبي تمشي النساوين
ســـــــــفينة للنجاة اتمسكوا بيك
وباسمك كربله صــــارت عناوين
ومن عمره ســـنه كل سـنه مشاي
وشــد حيله واجاك العمره تسعين
نحبك مــــــو بدينه بحبك نهيـــم
يا اكبر جــــــرح ماطاب للحيــــن