امس
امس
امس جان الضحك ينباع
امس شفت النجم مرتاح .. يتمشا بشوراعنه
ويسولف ضوا للناس.. امس باعت صدگها الناس
خناجر ضايكات الدم .. جلمات الكره للناس ..
امس ..
حتى العيون اختلفن بلونين .. عين تناحرة وي عين
امس جناز يفتر يصرخ براسي .. ام وفاكده وتندب..
هذا انه حزن راسي ..
امس شفت البلابل عافة البستان ..
ومشة للموت تتعنا .. وشفت تغريدهن ونه…
امس كلشي نهر من دم ..
وتسمع روحي جدم الموت تمشي وعمري يتهدم
وكلشي اظلم ..
الگمره جذاب… نوره اظلم ..
النجم متعوب .. صار اظلم ..
حتى عيوني تخذلني .. وضواها اظلم ..
امس شفت النثايه بكل درب گصن جدايلهن ..
امس رايح عمرهن من ملامحهن ..
امشي والعمر يحدي .. امشي والحزن للموت شو يحدي ..
امشي ابين كل الناس .. لاكن بلحزن مجبور اضل وحدي ..
امس .. شفت الحزن . جازي
وضگت طعم الحزن .. عمرين…
امس كلشي تبدل حتى دمع العين…
امس
كل السجج نيران بعيوني..
امس باگ الزمن ضحكي وبهت لوني
غريب
وماكو نجمة فرح تندهني .. واتبده ضحك لليل للعشاگ كمريه
صوت الوين ياخذني ضباب احمر ..
واطيحن ندى يم كل باب واتطشر
.. واصيرآ ضحكه منسيه
طحت مابين انه.. ونارك حجايه ..
ماشوفك يضحكي بوجه المرايه..
امد الروح حد ملگاك ..وافرش روحي واتعناك..
گرداله .. واخضر تحت زلفك مسچ وعيوني تشب وياك
واتسرسح گصيبة شوگ لمتونك.. وافرح لوتجي ضنونك
امس ..
بقلم
ماجد بادي الحميدي