رسالة اطمئنان في زمن اليأس..آل كورونا ڤايروس
💐رسالة اطمئنان في زمن اليأس..آل كورونا ڤايروس🦠
⛳افهم فايروس كورونا شلون يفكر حتى تعرف شلون تهزمه . 🤔🤔
⛳مبدئيا هو مو كائن حي كامل، هو مجرد حامض نووي يحلم ويتمنى يكون كائن حي مثل باقي الخلق .
⛳شنو مخططاته ؟
-ماله حياة وعيشه غير داخل خلايا آلرئه وهي المكان الوحيد الي ممكن يستوعبه وينطي كميه الاوكسجين الي محتاجها حتى يعيش..وهو يخطط للوصول الها بكل طاقاته..
⛳طريقه تنفيذ المخطط :
هو ينتقل عن طريق الرذاذ من شخص للثاني او من على ايديك لأنفك او فمك ثم للقصبه الهوائيه استعداد للتسلل للرئه .
⛳شنو لي ممكن يمنعه ؟
مجرد دخوله الحلق راح يواجه اعصار من اللعاب يجبره على دخول المعده حتى ينفرم وينهرس ويأخذ جزائه من احماضها وهيج مراح يوصل الرئه ولا يشتم ريحتها وراح يموت …
⛳والحل ؟
-هو راح يلتصق بجدار الحلق اطول وقت ممكن( ولهذا راح يسبب ألم بالبلعوم ) ويمص كل اللعاب ولهذا راح ينشف الريق .. بهيج حاله أرجوكم وفدوة اروحلكم اشربوا مي هوايه وياريت يكون دافي حتى تجبره يدخل المعده وراح ياخذ جزائه ويكفينا شرة .
بهاي اللحظات الدماغ يعرف الي كاعد يصير وراح ينطي إشارة لجهاز المناعة حتى يشتغل وراح ترتفع حرارة الجسم لي ممكن تقتل الفايروس( ولهذا المصاب راح يصخن ) هنا كلش يفيدنا نتغرغر بمي وملح او مي ممزوج ويا خل وليمون حتى نقتل الفايروس لي لاصق بالبلعوم .
⛳زين اذا فشلنا وصارت الكارثه ودخل الرئه ؟
-بهاي الحالة راح يحتل اي خليه داخل الرئه ويسكن بيها ويتحول لكائن حي ويتحقق حلمه ويبدي يتكاثر ويسوي من الخليه مصنع فيروسات ( خارج الجسم مجان يكدر يتكاثر ) ولهذا الجلوس بالبيت يقلل انتشاره ويقضي عليه .
⛳هسه الفايروس داخل الرئه، مباشرتا جهاز المناعة راح يشتغل وكريات الدم البيض راح تهاجمه بشكل عشوائي
هنا اذا قلبك وضغط الدم واللياقه عندك تمام راح تضخ كميه دم كبيره مليانه مضادات دفاع وتقتله( هذا الانسان الي مناعته قويه ) ولهذا لازم نتحرك ونلعب رياضه بالبيت ولازم نبطل تدخين حتى نقوي الدوره الدمويه ولازم نعوف النوم والكسل طول الوقت .
خلي ابالك الاكتئاب والخوف والوهم وتداول الاخبار المرعبه تشل جهاز المناعه وتخلي المرض يتمكن منك .
⛳-لحد هسه الفايروس بالرئه والجهاز المناعي يحاول يقتله وغالبا ينجح بس الي مناعته ضعيفه او الي يدخن هوايه أو لي عندة مشاكل صحية راح يفشل خط الدفاع و ترجع كرات الدم البيضه مهزومه لكن وياها عينه من الفيروس فيبدي جهاز المناعه يصنع اجسام مضاده مناسبه لشخصية الفيروس ويرجع يدمره .
بس للاسف 😭
التصنيع محتاج من يومين ل خمسه ايام وممكن يكون الفيروس دمر الرئه لو الانسان كبير ف السن ( فوق ال ٧٠)او مناعته ضعيفه او عنده مرض قوي، لكن لو جسمه سليم وصحته معقوله راح يصبر لحد ما الاجسام المضاده تجي تدمر الفيروس و هذا يصير عند النسبه الاكبر.
مبروك 😜
٨١٪من الي يصابون بالفايروس يصير هذا الكلام وبشكل اوتوماتيكي من غير مايحس بحيث يصاب بالفايروس ويطيب منه بدون ما يحس وبدون أعراض.
ال ١٩٪ الباقين ١٥ ٪ منهم يخضعوا للحجر او العلاج ويشفو باكامل..
ال ٤٪ الباقين
٢٪ منهم ٠يدخلون للعنايه المركزه ويشفون بالكامل ، و……😫😫😫😫٢٪ الي حجينا عنهم ( كبير السن والمريض بضعف المناعه او مرض خطير ) للاسف يموتون .
⛳الخلاصه :
-نسبه الشفاء من الفيروس ٩٨٪و بدون مصل يعني اضعف فيروس ظهر في الكون .
– خطورته على كبار السن فوق ال ٧٠ والمرضي بضعف المناعه.
-اخطر شغلة ممكن تصيبك بالمرض هو التوتر والقلق ومتابعه الاخبار السيئه وقله النوم وعدم الحركه والعدوى بالتجمعات .
-الي يدمر المرض هو الضحك والتفاؤل ولعب الرياضه في البيت لتنشيط الدوره الدمويه وأكل الخضار الاخضر والفاكهه وبالذات الموالح .
❤أتمنى أن تنشر المعلومة والأمل❤️
رعاكم الله وحفظنا من هذا الوباء ومن كل سوء….