هواجس الرسام

((هواجس الرسام ))
عندما ينتابني شعور غريب
اساله لماذا..؟
بقلمي
شنو الشاغلك من عندي هالايام..
معقوله يفر راسك حجي النمام..
خلاك الوكت ماتشوفني من تفوت
وما تسال علي شبيك يالرسام..
ابد ماتوقعت تنساني هيج بساع
وتنهي البينه من دون كاف ولام
يعني شتعتقد معقوله انه انساك.
وتريد اقتنع وأقبل بيهج أحكام.
انته وياي عايش بالنفس والروح.
والمثلي… ابد صدكني ما ينلام
كون بروحي أضمك حتى مانساك
واصيرلك درع لو وكتي يرمي سهام
روحين بجسد مانختلف هيهات
وطبعا هيج حاله ماتصير أقسام.
كتله من المشاعر كبل والاحساس
تحركنه المشاعر احنه مو اصنام
لا ما اختلف وياك مهما يكون.
اداريها العلاقه وياك مثل الجام .
شبيك شغيرك ما جان طبعك هيج
وانه اعرف بكلبك بعده ابيض خام .
ماعندك سبب تبتعد عني تريد
ما اشوفك صرت لو حتى بالاحلام
تتهرب شجاك وانه احجي وياك..
من حقي من اسالك شكو شبيك شضام.
يكتلني سكوتك احجي كلي شصار
مو سهله علي صدكني الاستسلام .
انه كلش قلق لمن اشوفك هيج.
متوقع تصير لظهري كون احزام
تعبني القلق ..وياك والتفكير.
واتمنى البراسي تكون هاي اوهام
انه بهذا الوضع بالطبع مامرتاح.
انه أبالي شكوك هواي واستفهام
اذا فعلا مصر وتريد مني تروح
من غيرك حياتي تكون كلها إعدام.

احصل على تحديثات في الوقت الفعلي مباشرة على جهازك ، اشترك الآن.

اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد