علي العضب شاعر المعيبر حمدان

علي العضب شاعر المعيبر حمدان
بقلم الدكتور حسين الشيخ علي

وداعاً شاعرنا الكبير علي عبد العزيز عبد الكريم العضب، من مواليد البصرة عام 1945، من مؤسسي فرقة المسرح الحديث ، ونادي الفنون، له العديد من القصائد الشعرية ومنها:
حدر يا هل البلام حدر علينه… ودينة للمحبوب بحبه ابتلينة
بلچن نمر عليه يحن ويجينة…حدر ياهل البلام حدر علينة
حدر وخذني وياك اللي اوده ….طوله نبع ريحان وگليبي عنده
حنينه هزنه الشوگ ولشوفه جينه…حدر ياهل البلام حدر علينه
حدر يهالبلام بالبصرة ذبني.. وبفية الصفصاف ذاك ليحبني
تفارگنا من سنين وهسة التگينة..حدر يهالبلام حدر علينه ……

كذلك قدم اشعار ( اوبريت بيادر خير )، وكتب اوبريت ( المطرقة)، كذلك كتب قصائد غنائية جميلة جدا منها:
يابو بلم عشاري ….. حين ابحر حمدان في شط العرب وغاب عن الانظار عشية اربعينية الفنان فؤاد سالم وهو يصدح بعالي صوته مشاركة مع الفنان كريم العراقي:

عمي عمي يابو مركب يابو شراع العالي
بالهوا يرفرف قميصك والهوى شگد عالي
رايحين نشوف اهلنا شلونهم ،
والله مشتاكين لنور عيونهم
عمي ذاك طوير جنة جاي من نخلة اهلنا
اكبر اكبر ياوطنه نحرسك يالغالي
الناس للناس بسعدهم والفرح من تالي

… من يلاحظ هذه الاعمال يرى نزعتها يسارية ، حتى ان اغلبية المنفذين لاوبريت علي الغضب بيادر خير من عمال ومطربين وفرقة انشاد وملحنيين هم بيهم ريحة شيوعية وعنبر مشخاب الخضراوي الذي نشم ريحته مع مرور سيارات العبرية تدخل لروازين السيارات ، ماعدنه اليوم هاي ريحة العنبر اظن البركة راحت وية اهلها….. كذلك هناك قصيدة توجع العيون وتوذرها لانفع بيها گطرة الطبيب تعود للشاعر علي العضب :

الله الله ، الله شحلات العمر ياسمرة
وايام ايام ، ايام انگضت ايام خضرة
تركنا بكل غصن ذكرى
تركنا الروح للعشرة
ولماً لالت الگمرة
لمينة العتب واللوم
وارجعنا على درب الشوگ بالبصرة…..

كذلك صاغ الشاعر علي العضب ( اوبريت المعيبر شنان) واوبريت ( انت باجر وانت امس) مشاركة مع الشاعر الكبير فالح حسون الدراجي
وهناك كتب الشاعر علي العضب قصيدة جميلة ترد الروح
ماچنك هذاك انت
ولا چنة ربينا سنين ، ولاچنة گضينة سنين مامش لارحت لاجاي
يالمسجي بسواج اعضاي ، يلي خضرت بالروح ولا جنك ربيت وريعت بالروح، چنت مسعد واسولف بيك ، كل ليل السهر لو مر ، چنت اتأملك دنيا ، وگمر على الدنيا لو گَّمر ، وارسمك طيف يالغيمة وتمر بالصيف ، ياريت الگلب بس ينساك ،وينسى ذكرك وطرواك ، وانسى مساهري وياك ، يلي خضرت بالروح ولاجنك ربيت وريعت بالروح…. رحل الشاعر علي العضب وحمدان ابو العبرة تايه بياخورة بيا زوية من انهار التنومة شاله ، وداعا لكل من لون سماء العراق بالوان الباستيل وخضر ديرتنا باشجار الياس وحنة ابو الخصيب ، سلاماً لكل تلميذ مدرسة في حصة درس الفنية رسم قرص الشمس ولونها بلونها الاصفر ، سلاما لكل من زرع وحصد سنابلنة بعرق جبينة ، راشد يزرع ، زينب تعمل ،، لونهم لون الربيع اليضحك بوجه السنابل شوگهم شوگ الحصاد اليثنة حضنات المناجل ، سلميني لو وصلتي ديارهم ، سلميني وشوفي شنهي اخبارهم…..موبعيدين اليحب يندل دربهم……. وداعاً ابا تضامن

تطبيق وكالة الراصد نيوز

احصل على تحديثات في الوقت الفعلي مباشرة على جهازك ، اشترك الآن.

اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد