روجات المشرح…….. صرخة عطشان

روجات المشرح…….. صرخة عطشان

وقفنا اليوم على نهر المشرح مع كوكبة من المشرفيين التربويين ، ذبينة حسرة على حال النهر ، يشبه الفقير والتايه من هله ، نهر المشرح اليوم للاسف تصب فيه المجاري الثقيلة ، والاوساخ ، حتى لونه اصبح اخضر غير صالح للشرب…….اصرخ واحشم كل هله ، آه من هله ، وينه اللي يحل هالمشكلة هاي المشكلة ، يوماً ما وقف الشاعر الكربلائي هادي الشربتي على هذا النهر والروجات تلفح بوجهه وهو يردد:
مثل روجات المشرح ترف ضحكاتك الحلوة
تسوه العمر لا وازود بعد من العمر تسوه
ترن بثغرك الوردي تغيب الروح بالنشوة
تركت الروح عطشانة بس من شوفتك تروه
عذب ضحكاتك الحلوة رفيف الموج عالكحلة
وحگ من شمة الجوري تفوح روايحك والطف
واخف من نبعة الريحان نبعة لطولك واترف
ياشهگة شوگ يابسمة على شفاف العشگ تحله…….ناديت على فؤاد سالم:
وينك يافالح هم دريت بماي المشرح تغير لونه ، وجفه وي ليل هجرانك حمامة دوح ، وغريب المشرح ، غريبة الروح صارت بيه ، مو انت يافالح غنيت على نهر المشرح وكلت:
يانفحة من فجر آذار
يافلعة گمر نيسان
يانسمة من هوى ايلول
تنضح عنبر وريحان
يااحلى سالفة ازغيرة
سمعتها بالعمر كله……. حتى طيور ام سكة والهربان والنوارس البيض والبراهين والخضيري والجوشم هذه الطيور الاوروبية چانت تزورك تتدفى بمايك الجنة ، عمرك ابد ياابد ، متباهي بسيلة ،وعمري اشكثر چم شهر ، چم يوم وچم ليلة ، موجة على صدرك يانهر المشرح نبض ، نسمة وتجيلة ، بلياك يانهر والعمر ياويلة ، تذكر يانهر من يسگفون السمچ واتلالي بيك النار ، كلك حلو خابط وصافي وسخي ومهيوب ، تتباهى بيك اهل المشرح گبل ، حگهم يتباهون ، كثر بيك اليحبون ، من منبعك للمصب فييت عليك گلوب ، ياما رويت الغزل ، ياما غسلت ذنوب ، رديتلك يانهر وانا بعمر الخمسين ، صفصاف شعري هدل وبمايك اتحنة.

تطبيق وكالة الراصد نيوز

احصل على تحديثات في الوقت الفعلي مباشرة على جهازك ، اشترك الآن.

اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد