من وگع حيلي اجيتك ..

 

زهير التميمي

وانته مو أنته لگيتك
لگيت بس حايط قديم
وباب مهجوره وي بيتك
ومن سألت الناس عنك
محد انطاني جواب
ولا شخص يعرف هويتك
وانتظرت أنه بثنيتك
غطوتي وماي وغداي
بلكت يجيبك..هواي
بلكت.. يردك غواي
بلكت الشوگ اعله طاريك
حمامه تهدل
ويرجع دواي
ومرت ايام الألم
ومنجل الوحشه
بده يحش بچلاي
وانته ماجيت وشفتني
ولا وصل منك كلام
وأنه كل يوم الفجر
اكتب قصيده
وأدعو ترجعلي بسلام
ومن يمر يومي بغيابك
ما احس بروحي حيل
ومن يجيني الليل
تأخذني همومي
وحزني يكبر ..
خل احاول
بلكت عيوني تنام
نامي ياروحي دقيقه
بلكت يجيچ بحلم
ويگول اجيت
وتنحسب جيه
وتشبگه اثنين اديچ

تطبيق وكالة الراصد نيوز

احصل على تحديثات في الوقت الفعلي مباشرة على جهازك ، اشترك الآن.

اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد