يرهب لو طب ليث البر …مسلم عالكوفه تبختر

يرهب لو طب ليث البر …مسلم عالكوفه تبختر
تهلهله طوعه…..وبگلبه لوعه
ساحة موت وكر وفر
**********
ترجف منه ارجال الكـوفه تميد الگاع
صنديد ويحرگ حد سيفه ربات سباع
حامل كل ايات الغـــــيره الما تنـــباع
مذخور الساعات الشــده الهاي الساع
اذن بالحومه وكـــبر….حي عله الموت الاكبر
ياهو اليدناني…ثابت جناني
ساحة موت وكر وفر
************
ما افر گلهم ثابـــت جدمي الحد الموت
نيران وتسعر بحـــدودي ياهــو يفــوت
بالجبت اكــــفر وبــكل ظالم والطاغوت
يحسين يصيح بــــواديهم باعلى الصـوت
ردت رايات اهل الشر…وبسيف الحگ تتطشر
كلمن يجيني….يموت بيقيني
ساحة موت وكر وفر
************
كلمن يگحــــم حـــد سيفه يـــــرد بــلا راس
عله زود مگمطــينه بزغـــره وعالنـــوماس
مربى ويـه حسيــن وتدريــــبه ويــه العباس
تلگاه يــــضحك مـــن يكثر جيــش الارجاس
اطباع البيه من حيدر….يضحك لو حاطه العسكر
يتنخه عمه …عله اليدنه يمه
ساحة موت وكر وفر
*************
بيـــــه طوعه تشيم مـــــن يهد هاالولاد
تنخاه ومن گبل النخــــــوه الضيغم هاد
ماطالب اطباعه مــن اهله عليــــهم زاد
تربع فوگ النــــخوه وعلا عله الامـجاد
طاحونة موت وتفتر….حاصرها وضاع المعبر
يفدي امامه …بروحه وحسامه
ساحة موت وكر وفر
***********
مسلم صـرح بايع روحه الاجــــل الدين
حط روحه بكفه وكفه يحط روح حسين
يفدي حسين بروحه وگلبه ونــور العين
يفك صدره ويتلگه بصدره ســـهام البين
وبسيف الحگ لو اشر…توگف حده وتتحير
خطفة حسامه…يوم القيامه
ساحة موت وكر وفر
************
زلزل كــــوفان وراواها انـــجوم الــيل
والخيل من الخوف البيها تدوس الــخيل
تصيح الويل عله الحل بيها تصيح الويل
لوهد ســـيل عليه يخلـــــص يلحگ سيل
بحد صبره الجيش تكسر…ايمانه الما يتفسر
دارس علومه….ايمانه حومه
ساحة موت وكر وفر
************
يتلگه المـــــــوت بايمانه وصبر الروح
مسلم من جسمه الحد راسه مملي جروح
املاك السبــــعه الباريها عــــليه تــــنوح
شـــيد للدين وللمــــذهب اعلــــى صروح
يذل الشر مسلم قرر…..وبدمه الحگ يتفجر
بدم الشهاده ….ارخ جهاده
ساحة موت وكر وفر
************
اسالكم الدعاء لي ولوالديّ
خادم اهل البيت
حلمي السعد

تطبيق وكالة الراصد نيوز

احصل على تحديثات في الوقت الفعلي مباشرة على جهازك ، اشترك الآن.

اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد