الحسين مبدء

الحسين مبدء
بقلمي
نصيح بصوت كلنه
طريق حسين جنه
نعرف ثورة حسين
منهاج ومضامين
اذا صح احنه ماشين
شتعلمنه. منه
……..
مصباح الهدى ومنهاج الحسين
سفينه للنجاة ونهج للدين
ونعرفه الطريق وبيه ماشين
ثورة للعدل تحمل مضامين
احنه نصيح املنه
نمشي بدربه كلنه
تجي وتروح السنين
احنه نصيح يحسين
اذا صح احنه ماشين
شتعلمنه. منه
……..
صاحب مبدء وثوره وعقيدته
ويمشي بمنهجه كون اليريده
مو سبحه ومحابس تارس أيده
حسين ومنهجه بس البليده
درب حسين معروف
مابيه ذله لا خوف
ضحى لنصرة الدين
درس معروف الحسين
واحنه بدربه ماشين
شتعلمنه منه
…….
رسم درب الكرامه بدمه من طاح
ورفع راية محمد راية اصلاح
كال احنه زرع والموت فلاح
ظل نبراس اسمه حسين من راح
ضحه بكل عياله
من اجل الرساله
ابد ماكال بعدين
لازم ينصر الدين
نصيح وياك يحسين
شتعلمنه منه
……
كال الدين اذا راد استقامه
ركبتي ودمي تقدمهن أمامه
نضحى ارواحنه وتبقى الامامه
ولجل الدين ابد مانطخ هامه.
نعم الهم كرامات
نزلت بيهم ايات
ناذر عمره للدين
اذا في نهجه ماشين
شتعلمنه. منه
……
مو دك ولطم. منهاج الحسين
ثورة عدل جان لنصرة الدين
لازم تبقى احنه بدريه ماشين
عبره وعبره كون انطبق الاثنين.
مو قول وشعارات
وزنجيل ومراءات
كال الذله هيهات
كال وثبت الدين
اذا في دربه ماشين
شتعلمنه منه

تطبيق وكالة الراصد نيوز

احصل على تحديثات في الوقت الفعلي مباشرة على جهازك ، اشترك الآن.

اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد