الشـــفيع
(( الشـــفيع ))
بقلمي
أحنه مــن نبجي دمع هذا قليل
من ندك أعله الصدور نوفي دين
احنه نحجيهه بصراحه بلا حياء
شمـا نريد انضحي احنه مقصرين
ليتنا كنا معـاكم ســـــــــــــــــيدي
جــان فـزنه واحنه من الفــائزين
التمســك بيـكم أبـد ما يخيـــــب
وأحنـه من نلجــأ اليـكم آمنــــين
لمن آمنه بنهــج آل الرســـــول
بضمـايرنه بقـه يعيش الحســين
لـكل عـزيـز ايمــوت أيام العزاء
بـس عـزائك ســيدي كل السـنين
أنتـه أبن حيدر علي وأبن البتـول
وأنته أخـو العباس أبـن أم البنين
أنته أبن الطاهره وأبـن المغــيـث
أنته سبط المصطفى الهادي الامين
أنته مصباح الهـدى واسمك نجـاة
ياسـفينه لشـيعتك وأعظـم يمـين
تحت كبتـك كل دعـــاء مستجاب
والشفاء بتربتك للســــــــــائــــلين
ياأبـــو عبــدالله ما غيرك شفيــــع
لشـيعتك ياسيدي والهم المعـين
أحنه جنه أخلافكم نصبح شتات
شرط نخسر سيدي دنيه ودين
خيمة انتم سـيدي انتو المــــلاذ
انتــم العتره ونجـــــــاة المتقـــين
احنـه ويـاكم لحــد كطــع الركاب
مـايهمــنه شمــا يســوي الظالمين
نعم من كالو مشي صارت سباق
جينه يـدفعنه الك بينـه الحنيـــن
نزيح كل اهمـومنه ابـاب الدعـــاء
بكلب صـافي ونيـه يمـك معتنين
انته لجل الديـن ما ردت الحيــاة
تنـذبح في كـــربله عنـدك يقيــــن
كربلاء تشــرفت صــارت مــــــزار
جنـه نجــهل كـربله لو ما الحسين
كبل جـانت كـــــربله كـــر وبـــلاء
وهسه تربـة كربله تطهر الجبين
تطبيق وكالة الراصد نيوز
