ابراج ماغي فرح توقعات الابراج لليوم الاثنين والله اعلم

⚜️🔱 #أبراج_ماغي_فرح_2022 ⚜️🔱
🌍🌍#حۡــڟــک______ا̍ڶــېْۧــﯣمۘ🌍🌍
#توقعات_الأبراج__2022🔮
القمر بينتقل لبرج العذراء ♍ الترابي كوكبه 🌍 عطارد..

#الحمل ♈
مهنياً:القمر بالعذراء طاقة وعلاقات وتواصل وتحسن بالمال وسفر..الحظ بساعدك وعم تنجح بأعمال كانت مؤجلة دعم وتحرك بيومك وبتحقق انجاز .. عم تبرز مواهبك وقادر تغير من وضعك وترجع الثقة ..انت بيوم افضل لتغييرات وتلاقي انفراج وتطور ايجابية طاقتك ايجابية حلول لعدة مشاكل وعقبات كانت عندك وعلاقاتك الاجتماعية افضل زيارات وتنقلات وعزيمة ولمة عائلية ..
عاطفياً ❤️ : بتلاقي شي جديد بيومك وحلول لعدة مشاكل وممكن اذا عندك لقاء او اتصال حاول يكون هادي و رومنسي وعاطفي وانت قادر تسحر الشريك وممكن حب جديد عند البعض .. تواصل ايجابي وكلام حلو بتسمعو يوم داعم حاول تستغل كل تفاصيلو بتواصل واتصالات حلوة او لقاء وعم تفكر بارتباط جديد ..
صحياً:ريح حالك بشغل ونام نومة مظبوطة مشان رقبتك وصداع برأس للبعض ..

#الثور ♉
مهنياً:القمر بالعذراء يوم اجتماعي وعلاقات بس في امور عم تطلعك ماعم تكمل معك او عم يكون في تأجيل او تأخير يمكن بأمور حكومية او اوراق اوشي بخص مال .. مافي شي بيبقى ع حالو اكيد يوم وبمر ولامور بتتغير مابدي منك تعب حالك وتدايق كمان مشان صحتك ولا تهتم لتصرفات البعض من حولك حاول تأجل اي شي مهم ع الاقل اليوم بس ولا تكون عصبي .. رح تتحسن أمورك مع الاهل والاصدقاء وحتى صحتك وفي حدا رح يتقرب منك كون جاهز ..
عاطفياً ❤️ :في قلة ثقة ومتشائم غيمة سودة وبتمر .. عندك هاليوم صعب ومانك مرتاح في وبتحس بضجر وبالوحدة وماحدا عم يقدر او يفهمك منيح بحاجة للامان وثقة هالفترة كتير .. بلاخص صراحة وعدم لف ودوران والحظ مو معك اليوم لهيك بدو رواق .. انتظر تغيرات جديدة بعد هاليوم وامورك مافي خوف عليها ..
صحياً:كتير بحاجة لطاقة بهاليوم حاول تشوف ناس بتحبن وانتبه من الوحدة والعزلة وحاج تشائم ..

#الجوزاء ♊
مهنياً:القمر بالعذراء يومك عم يكون حلوة بكترة الاصدقاء وناس داعمة الك واجواء اجتماعية وعائلية افضل من قبل عزائم وزيارات وشغل جماعي او عمل انساني وخيري وكمان في مساعدة عم تحسن امورك نسبياً .. عم تكون منفتح وحرية اكبر وبترتب امورك وفرصة ليجيك مال او شي معنوي ولقاء بالصدفة .. والبعض بتشغلوا قصة طفل او احد الابناء ..
عاطفياً ❤️ :يومك متقلب وبحاجة تحسم امورك وتحط حد لبعض نقاط المزعجة بعلاقتك طبعاً اذا حابب تستمر .. في سوء تفاهم وبتحس شريك متقصد وموضوع بيشغل العلاقة تعامل مع الامور بهدوء وفكر صح كيف تستوعب المواقف وتكون دبلوماسي بردود افعالك .. في اعجاب فيك وعلاقات عم تتحول لحب وصداقات وتواصل مع اشخاص ع مواقع تواصل والبعض في شغف وعلاقه ..
صحياً:مشاكل فقرات ورقبة انتبه من الوسادة وخفف سهر لان عم يسبب صداع متعب ..

#السرطان ♋
مهنياً:القمر بالعذراء بعدو هاليوم متعب وفي قلق من القادم مابدي تحمل الامور اكتر مابتستاهل وهدي ورق وكلو الو حل يومك في اختبارات وقصة فيها قلق ممكن بشغلك او قضائية وبحاجة لقرار يحسم امورك .. لا تناقش كتير وطنش حتى ماتتسبب بمشكلة بشغلك او مع حدا من أهلك لان هاشي الو تأثيرات صحية .. بتشغلك قصة اوراق وشغل جديد ناطرك وتغيرات بعد هاليوم .. أستغل هاليوم بلمة حلوة وتغير جو وعلاقات اجتماعية كتيرة ..
عاطفياً ❤️ :مافي شي عم يخليك مبسوط وركود وشريك مستفز بدك تتحمل هاليوم .. كتير تعبان وضغوط عليك كتيرة ومافي تنسيق بين العاطفة والعيلة او بتحس الكل بدو يدخل وانت مشوش ومو قادر تركز .. كون حاسم بقراراتك ولا تتهاون وحاول تلاقي حلول مرضية للوضع اذا الشريك بيستاهل ..
صحياً:اطلع من جو المتعب وفكر بحالك وبصحتك ونفسيتك ولا تبقى منعزل تفكير بتعب ..

#الأسد ♌
مهنياً:القمر في العذراء من الايام داعمة لك لتتحرر وتكون مقنع وقادر تنجح وتوصل صوتك وتعمل شي جديد يغير من الوضع .. عندك افكار حلوة ولقاءات وناس جديدة وممكن ناس جاي من مكان بعيد او بيجيك اتصال بعيد .. في خبر بريحك او ممكن يجيك عرض او مبلغ مالي تنقلات واجواء افضل وعزائم ..
عاطفياً ❤️ :بحاجة لدبلوماسية لتتجاوز بعض توترات بس يومك كتير منيح المهم ضل هادي واذا في حدا قديم عم يتقرب او ليكون في صلحة افتح المجال وحاول ترجع الوضع .. يوم في جاذبية وحلول ودعم وانسجام وتواصل مع الشريك .. الاعزب امورك افضل لحب جديد .. والمتزوج روق وهدي ولا تخلي قصة بالبيت توتر الوضع وأستغل الحظ ببرجك لتلاقي حل بعد سوء تفاهم بينحل بشوية دبلوماسية ..
صحياً:تعبان نفسياً وضع صحي عندك وممكن تزور طبيب هالفترة الك او لحدا مقرب بس لا تخاف في تحسن كبير ..

#العذراء ♍
مهنياً:القمر في برجك تجنب المشاكل بهاليوم وحاول تفكر بالحلول وبلاخص بالبيت ومع المقربين وبالمال .. يومك منيح نسبياً وبتلاقي حلول في مال او مبلغ ممكن يوصلك اوحوالة واذا بتشتغل بتجارة حاول تكون دقيق حتى ماتخسر .. عم تعيد حساباتك من جديد وانت شخص أداري بأمور المال تفكيرك شغال بكذا قصة تفاهمات واتفاق قريب بامور شخصية وادارية وعقارية ..
عاطفياً ❤️ :يومك منيح والاجواء مستقرة بس انت مابتعرف شو بدك وبتحس حالك في كتير اشيا ناقصتك .. بدك تعرف تتعامل بعلاقتك لتوصل لشي لبدك ياه بشوية تفاهم ودبلوماسية بتقدر تحل المشاكل وتوترات الاخيرة .. حاول لا تكون عنيد وتتمسك برأيك وتريث بوضعك العاطفي وبالقرارات بشكل عام وبدي منك تلاقي حل يرضي طرفين نشالله امورك افضل عاطفياً بهاليوم وتواصل رح بعود من جديد .
صحياً:امورك منيحة بس لازم تهتم بصحتك حتى ماتوقع بوعكة صحية ..

#الميزان ♎
مهنياً:القمر بالعذراء مابتلحق تخلص من قصة لتكون طلعت قصة تانية بعد عن الاشخاص سلبية بحياتك والي عم يتعبوك ويستفزوك وهدي مع حدا بالعيلة او شريك
وحاول تنتبه من الحوادث والاعطال .. كون بعيد عن المواجهات والاستفزازات ولا تكبر الامور لانك مو مرتاح للوضع الي حواليك وممكن اي كلمة تعصبك ..فرصة لتتعرف على ناس جديدة وغريبة عنك ممكن تتجاوز بعض العراقيل قريباً نشالله حتى البعض ممكن عم يفكر بعقد او ناطر خبر توقيع اوراق او شراكة ما ..
عاطفياً ❤️ :يومك في حسم وتغييرات عاطفية وفي عتب ولوم والقلب مشتاق لشخص .. حاول تروق بعلاقتك وتحسم وضعك وتحط نقاط على الحروف وتطلع من تعبك وتقلب الامور لصالحك ليستقر وضعك .. وحاول لا حدا يدخل بوضعك شوية هدوء بس .. لبعض عم تتغير الامور عندو لقاء او اتصال واجواء رومنسية بترجع وبلاخص المرتبط الغير متزوج ..
صحياً:عم تعاني قلق وتعب حافظ على نومك ولا تفكر كتير وترهق حالك ..

#العقرب ♏
مهنياً:القمر بالعذراء مالك خلق ع شي بلاخص عندك التزامات وشغل وقصص بحاجة لحسم وتخلصها .. يومك بحاجة لتنظيم وترتيب لان رح تبذل جهد بحل بعض المشاكل والمسؤوليات الي متراكمة عليك بوضعك المالي والبيت .. روق هاليوم لتتحسن امورك وينفرج وضعك وضب ايدك على مصاريفك والبعض عم يفكر بسفر ..
عاطفياً ❤️ :عندك جاذبية رغم تعبك وبحاجة لشخص يفهمك ويكون حدك .. الاعزب ممكن انت تعيش اجواء حلوة مع ناس بتحبا او بداية علاقة وممكن تدخل باجواء عاطفية جديدة ..المرتبط لازم تهدي الوضع بينك وبين الشريك روق ولا تصعد حتى تبقى امورك منيحة ولا تكبر القصة بعتقد انك تعبان والوضع من حولك متعبك وممكن كتير ناس حولك عم دايقك او ممكن من نفس العيلة بلاخص اذا متزوج ..
صحياً:أنتبه من وعكة صحية او كريب وصداع ..

#القوس ♐
مهنياً:القمر ببرج العذراء يومك في حب وعاطفة ومال واطفال وحلول بوضعك وطاقتك ايجابية وخبر حلو .. بتنقلب الامور لصالحك وبتفتح صفحة جديدة امام احداث ومجريات ايجابية وانفراج وتقدم ملموس عم ترجع تسيطر ع الوضع من جديد وبتلاقي فرص مهنية بتساعدك بتطورات مالية بالايام الي جاي جو اجتماعي رفقات وسفر قصيرة وعزيمة ..
عاطفياً ❤️ :من افضل الايام عندك تحسن وتواصل .. تطورات واجواء حلوة بتحل بعض المشاكل وانفراج نوعي .. يوم عاطفي لقاءات واتصالات وتواصل وممكن اذا ناطر صلحة او رجعة شخص وارد هاشي بهاليوم .. لا تخلي شي يعكر مزاجك وأبتعد عن ناس وتقرب من الشريك وخلي الوضع يتحسن لانك كتير تعبت بالفترة الماضية وماكان شي عم يظبط معك ابداً او عم يشغلك وضع شريك …
صحياً:تحسن صحي نفسي بس تجنب ناس سلبية بحياتك ..

#الجدي ♑
مهنياً:القمر بالعذراء يوم بخص امور عائلية ومصاريف ع العيلة وصحة بتشغلك .. عم يكون الوضع بالبيت مو مريحك وفي كركبة وعم يكون في ضبابية بالقرارات ولا تهتم للقيل والقال وحكي البعض .. في قصة منزل او عقار وتصليحات او نقل وحاول تخلص شغلك بكير ولا تأجل شي يمكن وضع حدا بالعيلة بيشغلك وبحاجتك او مشكلة بحاجة لحل سريع وتجنب الخلافات وتاكد انو يوم وبيمرق وفي شي منيح ناطرك ..
عاطفياً ❤️ :في قصص ماعم تريحك وحاول تفكر بحلول وكيف تبقى رايق وتقضي وقت حلو مع الشريك .. كون دقيق بمجريات يومك وامورك رح تتحسن وتواصل واتصالات رومنسية عم تقضيا .. المتزوج حاول توفق بين وضعك بالعيلة وبين عاطفتك .. المرتبط اشياء مفاجئة بيومك واوقات حلوة بس أنتبه من الغيرة وفي عتب .. الاعزب توقع انو يحملك هاليوم ناس جديدة من الجنس الاخر وممكن بقادم الايام يصير ارتباط الي ناطرو ..
صحياً:أنتبه لصحتك او صحة حدا بعيلتك وريح حالك ونام بشكل منيح وصداع برأس..

#الدلو ♒
مهنياً:القمر بالعذراء يوم في علاقات وزيارات وتواصل وناس جديدة وفكرة شغل او سفر وعم تعمل شي عبر مواقع تواصل وعم تكسب محبة الكل .. عندك اتصالات وتنقلات
وقصة اخ بتشغلك وقصة بتخص سيارة او موبايل وانتبه من الحوادث اذا في سيارة .. اتفاقية بتجيب نتيجة بس لا تستعجل على شي ولا تتسرع وخود وقتك بتسمع خبر حلو وحل لمشكلة وشي بخص بيع وشراء ومال ممكن ..
عاطفياً ❤️ :اعجاب واتصالات وتواصل حلو وعم تناقش بأمور كتيرة .. جذاب وعم تعمل تغييرات وملفت لنظر اتصالات وتواصل بدي منك تريح حالك وضعك رح يتحسن واي سوء تفاهم حاول تمرقو وافتح مجال لنقاش افضل ماتسبب بجفا بينك وبينو او نقاش عائلي عاطفي بس لا تخاف ع وضعك ..
صحياً:حاول لا تناقش كتير وتوتر حالك ع الفاضي وترفع ضغطك وانتبه من مفاصل والعيون ..

#الحوت ♓
مهنياً:القمر في برج العذراء بحاجة لحسم الامور وافكار جديدة ..مشغول مالياً ومحتاج دعم او مساندة واعادة ترتيب وتنظيم وممكن اتفاق مالي .. رغم تعب ممكن تقلب الامور لصالحك ورح تبذل جهد وتحسن وضعك وتحقق نتائج ايجابية ورح تلاقي تسهيلات لمشاكلك بس اهم شي تركز لحتى تكمل الامور معك خفف التزامات المالية وابزل جهد لتحصل على مبلغ .. فيك تطلع وتغير جو وعزيمة ..
عاطفياً ❤️ :مانك رايق برود بالوضع وبحاجة لشخص مناسب .. لازم تكون دبلوماسي وتعرف تتعامل وتكون واقعي .. انت ساحر بحضورك وجاذبيتك حاول تأثر بهاشي على الشريك وأبتعد عن اي شي ممكن يعكر وضعك .. بعتقد انو الامور مو متحملة اكتر من هيك ومو ناقصك مشاكل جديدة لهيك بدي منك تهدي وتروق بعلاقتك وتبعد عن الماضي لبعض الاشخاص ..
صحيا:بحاجة تحافظ على لياقتك ورشاقة جسمك وأبتعد عن ضغوط نفسية.

تطبيق وكالة الراصد نيوز

احصل على تحديثات في الوقت الفعلي مباشرة على جهازك ، اشترك الآن.

اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد