حلمي..

أحمد الفراتي ..

سولفت حلمي اعله المشه بتالي الليل
وگدامي إصوره وگظنها اتململ
واسمع همسهن يحچن ابلايه السان
گاللي اسكت والسوالف تكتل
گاللي اسكت والورق بيهن گام
دخانه يصعد حسدن الخل عل خل
آنه الذي بكلشي الخجل ما آخاوي
وگبال حسنه اذبل وبهدومي أختل
ولو واعداني اجدامي تعثر بالماي
ومن مستحاتي امشيله بس طيف وظل
ممشه السفن بالماي حلمي امن انباگ
نصين شطرن عمري لا أشد لا أحل
اذكر گبل من چان الي وچنت ويا
ما اميز الليل بصباحي امن ايهل
اسمع توالي الليل بلبل نعسان
بتغريده ضحك بومنه المايحمل
والغبشه غبشه اتكحل عيون سهيل
مثل الفراشه اعله الورد من اتچل
وهسه امن اذكره بروحي يلتم احساس
كون اعرف الميت شحس واسترسل
كون اسمع بلحد النسوا اهله وظال
ياونه تطلع ياعتاب ايخجل
بيها ارد اعاتب حلمي مو بوگ انباگ
نسترها دوم السالفه الي اتفشل
آنه الشلت رسمه اعله گد باب الروح
ومرتل اسمه بعين كل شامت سل
بس هي هي الدنيا تغوي بكل حال
طين اعله طين اتشلبه گالوله اتجل
الماعرف معنى الورد هم چتال
ناعم ولكن لاتأمنله الصل

 

 

تطبيق وكالة الراصد نيوز

احصل على تحديثات في الوقت الفعلي مباشرة على جهازك ، اشترك الآن.

اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد