لـو راجـع اتنــدّم

 

أحمد كامل الكعبي

الميل لمّن يرد

يمشي ابعكس خطوتة
ابيا موعد اليظفر

والهسة دافن هلة
من يرجع اشيحفر

التوّة كاسر وثن
لتگلة رد ليـورة
من يرجع ابخطوتة
لازم يرد يكفر

مو كلشي يرجع عبَر
الرجعة بس للنهر
والما گدر يطفر

چا نرجع اليا زمن
ردّينة حدر الصّفر
چا يمتة نعبر نهر
لو نعبر الذلّه

هستوّة طاح الصّنم
موووو توّة طاح الصّنم
واحدنة اذا يلتفت
چنّة الظلم ردلة
چا نرجع انردلة

گد ما فكرنة غلط
نمشي اويراگة شهر
ما نعتنيه عنوة

وگد ما جدمنة رجع
گام النهر يبتعد
ونشوفة بالگوة

مو كافي نرجع بعد
ردّيــنة ردّت سهم
خلّـونة نتقـــدّم

وانة ادري هذا الوضع
ماينعبر بالسّـــلم
بس ينعبر بالــدّم

الطّف أهـم مرحلة
وحسين ابد مارجع
و لــو راجـع اتندّم

 

تطبيق وكالة الراصد نيوز

احصل على تحديثات في الوقت الفعلي مباشرة على جهازك ، اشترك الآن.

اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد