عيونك الحلوه
عيونك الحلوه
واشتهيت أكتب
على حروفك
قصيده
مبللة بطعم النبيذ
حتى من تقرينها
يفوح الثمر
وترقص
وياها الشفايف
الحاضنه
حروف
القصيده
وي حبات المطر
ومن اغمض عيوني
يأخذني الحنين
وتهمس بروحي
قناديل السهر
واسمع الخلخال
يأخذني لعد روحك
حمامه
ويه نسمات الفجر
ياربيع بعمري
مايعرف خريفه
وياقصيدة تغازل
الوان القوافي
وي زخات المطر
وأرجع اكتب
من جديد
عيونك الحلوه
قصيده وعاشكه
بليلي الگمر
ومن تسولف
چنها ناي تجنن
لأجمل قصيده
وتعزف بروحي
مواويل السَمر
بقلم
زهير جبر التميمي
تطبيق وكالة الراصد نيوز
