ومضة أمل

(( ومضة أمل ))
بقلمي
ماأريد أصيرن بعد طبعي طبع شمعه
أحرك سنيني ضوه وبخدي أثر دمعه
ادفع لوحدي الثمن عن ذنب مو ذنبي
اخسرت كلشي الي عمري وهلي وربعي
والضاع من العمر ياهو الي يرجعه.
مااريد اخسر بعد والبيني يكفيني
شفتك بعيني وهم بس جذبت عيني
وضاعت هواء بشبك باوهامك سنيني.
مااشوف ومضه امل للبينك وبيني.
مااكدر أرجع بعد والبيه يكفيني
مجروح ينزف صبر هالكلب شيقنعه.
مااقبل اخسر بعد كافي الخسرته هواي
شكد جنت مخلص مو مثلي جنت وياي
وتلاشه حتى الامل ماظل امل بسماي
المهم كلشي انتهى وانه الدفع الثمن.
وأعترف بيه الغلط والسبب جان الزمن.
ومادام بيه الغلط معذور انته اذن.
بظنوني ماظل امل بالراحن وباليجن
اطباع هذا البشر كل واحد وطبعه ..
جنت انه كلش وفي بس كان طبعك غير
مااعرف شغيرك انطيني اي تفسير
اكطعت حبل الوصل مافكرت شيصير.
وسديت باب العتب واطويتها الصفحه
وهسه انه ماضي صرت لازم بعد اصحه
وبخدي دمع الندم خل يبقى ماامسحه
وبخدودي تبقى اثر هجرانك الدمعه.
خل ادفع انه الثمن واتحمل اخطائي
واعترف انه اخسرت حتى ابسط اشيائي.
ولازم اعيد النظر في كل حساباتي
واثبتلك انته السبب في كل معاناتي
عضيت اصبع ندم عالضاع من عمري
انته البعتني برخص جنك ولا تدري
وياك هيج وضع صدكني ما اجرعه
وياك كلشي انتهى ولازم بلا رجعه .

تطبيق وكالة الراصد نيوز

احصل على تحديثات في الوقت الفعلي مباشرة على جهازك ، اشترك الآن.

اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد