قصة انتهت

( قصة انتهت )

مارد بعد … قصة انتهت
ﭼـي روحك الغيري اشتهت

روح ادفه بحضين الذي
روحك أو روحه تعاشرت

لا ما ارد … روحي آنه مشتهيه البعد
قداحه روحي امعلمه ماعاشرت غير الورد
وگـاعك صبخ تهوه العرد
گـلبي ابتعد عنك ولا ضنه يرد
روح ابتعد … خل روحك تضوگ البرد
مامش دفو بگلبي بعد .. گلبي جلد
وعيوني ذيـﭺ الساهرت … نامن تراهن من وكت
وگـلبي التوجر بالعشگ ناره. اخمدت صارت خفت
وعگـلي الأخذته من الزغر وي روحي وبهيمه تهت
ردن لي ابشرك وعرفت .. طبعك يمن بيه خنت
شنهو الجره وهسه اجيت وعاودت
تقنعني جاي بردتك وبـﭼـلمة البعدك ضعت
لا عمي روحي اتعلمت وهواي من صنفك شفت
روح ارجع انت الدنيتك مخدوع بيك آنه ﭼـنت
يل ﭼـنت احبك من صدگ … وروحي وي روحه اتعلگـت
تدري اشكثر من غيبتك شمات بي اشمتت
وتدري بجفاك بلا سبب روحي بقهرهه اتلهوجت
وتريد أرد النوب الك وأنسه الجروح الماشفت
لا ما ارد …. لا ما ارد قصه انتهت
لا ما ارد قصة انتهت

بقلم
مشكور نعيم الطائي

تطبيق وكالة الراصد نيوز

احصل على تحديثات في الوقت الفعلي مباشرة على جهازك ، اشترك الآن.

اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد