ذكرنا أيام حبنا
ذكرنا أيام حبنا
أنتظرنا ومامشينا
وكلنا هسه تعود
أيام المضت
هيه وتجينا
ونطرنا أعله الطريق
سنين وسنين
وحجينا وي الطريق
ومابچينا
تألمنا بكثر مابينه جروح
وذكرنا أيام حبنا ومانسينا
ذكرنا أعله الجرف كلمات العتاب
وچانت حلوه لمتنا وحچينا
ضحكنا اشكثر لمن فاضت الروح
وتشابگنا بحنان بهاي أدينا
گالتلي بخجل
وخدودها موردات
مثل وردات واحتنا الحنينه
لاتنساني وأذكر هاي الأيام
أنته الروح لگليبي وتينه
گلتلها بطريقچ أنه مزروع
مثل عنبر عزيز وأنتي طينه
يادهلة الماي وبين الفروگ
شلون انساچ ياروحي الحنينه
بقلم
زهير جبر التميمي
تطبيق وكالة الراصد نيوز
