مقالات

واقع حال )

( واقع حال )

مو كلمن صعد عالخيل خيال
ولا كلمن لزم تفگه يضارب

تابعونا على اخبار كوكل

اكو فارس هميم امدوخ اجيال
وأكو جندي خلص كل عمره هارب

واكو واحد فقير وساتر الحال
وأكو واحد لقوت الناس ناهب

وأكو جوعان بس عالراس ينشال
وأكو شبعان بس محسوب سايب

وأكو صاحب بخت للدين ميال
وأكو راكب بخت من يحـﭼـي ﭼـاذب

وأكو ماهمه حـﭼـي القيل والقال
وأكو يسمع حـﭼـي ويركض يعاتب

وأكو مهموم همه بثكل الجبال
شاب ومن تشوفه تكول شايب

وأكو واحد گبل ادريبه حمال
امس جكساره شفته بدربي راكب

سألت شغير الدنيه والأحوال
همس بذني صديجي وگال نايب

يفرهد بالعنب ويبوگ السلال
يفرهد والشعب ياوسفه غايب

بقلم
مشكور نعيم الطائي

اترك تعليقاً

لن يتم نشر عنوان بريدك الإلكتروني.

شاهد أيضاً
إغلاق
زر الذهاب إلى الأعلى