فن وثقافة

يخيعونك

يخيعونك

يخيعونك عرفت اتموت
حـت اتعيش للتالي وجه لـ الله

حت اتعيش للتالي شعار ايفحط اشفاف الرمل كاسه الفجر عمره

شعار اينث صبح للطين
شعار ايگودنا من الشوف ليمزگ جناسينا بعطر ﭼـذاب..
حد العين

هذا انتـہ وبـعـد يحسين

بريد الظلمـه يـم نحرك فتح بـگلوبنا اروازين

لولا انته وشمس دمك طفت غنوة ضمير الطين..

ضميرك اكبر من الدين

ضميرك
ساجية عمرك..
خـلـود اسـمـك..
سـفـر ضـيـك..

ولا دينك

دينك بالمناير ضااع
دينك لـ الثياب التحمي هولاكو عطر ينباع

دينك للدغش و الخوف و اسيوف الضباب الثام

لـهسه اعله العطش تنسام

يحسين المنابر رخصت دمك

ترنيمة عطش
و آهات
و ادموع
و ضباب
و خوف
منبرهم صفا ايلمك..

ولا ﭼـن الـفـجـر مـجـذافـه بـعيون الـثياب انشاف من رسمك

ولاجنك
نسيم اطيوف
سنبلها بريد اخضر

من شفت العجاف اسنين
واسيوف الضلام افـطور .. غنيت الـــنـهـر منحر

غنيت الاغصان اغيوم
واعشوش الندى اقرابين هلبت للفجر بيبان

ضريح الغيم ضِلْ عطرك نهر من تجزي للكيعان..!!

بقلم
حيدر عبد

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى