الحسين موقف

(( الحسين موقف ))
الخادم كريم الرسام

نصيح بصوت كلنه
طريق حسين جنه
نعرف ثوره الحسين
ونهجه والمضامين
اذا صح احنه ماشين
شتعلمنه منه
**********
مصباح الهدى ومنهاج الحسين
سـفينة للنجاة ونهج للدين
انـعرفه الطريق وبيه ماشــين
ثورة للعدل تحمل مضامين
احنه نصيح املنه
نمشي بدربه كلنه
تجي وتروح السنين
احنه نصيح يحسين
اذا صح احنه ماشين
شتعلمنه منه
********
صـاحب مبدء وثورة وعقيده
ويمشي بمنهجـه كون اليريده
مو سبحه ومحابس تارس ايده
حســين ومنهجه بس اليفيده
درب حسين معروف
مابيــــه ذل لاخوف
ضحى لنصرة الدين
درس معروف الحسين
واحنه بدربه ماشين
شتعلمنــــه منـــــــه

**** *** **
رسم درب الكرامه بدمه من طاح
ورفع رايــــة محمد راية اصلاح
كال احنه زرع والموت فلاح
ظل نبراس اسمه حسين من راح
ضحه بكل عياله
من اجل الرساله
ابد ماكال بعدين
لازم ينصر الدين
نصيح وياك يحسين
شتعلمنــــه منه
*********
كال الدين اذا راد اســـتقامة
ركبتي ودمي اقدمـهن امامه
نضحي ارواحنه وتبقى الامامه
لجل الحق ابـد مانطخ هامه
نعم الهم كرامات
نزلت بيهم أيـــات
ناذر عمره للدين.
اذا في نهجه ماشين
شتعلمنه منــــه
**********
مـــو دك ولطم منهاج الحسين ثورة عــدل جـــان لنصرة الدين
ولازم نبقه احنه بدربه ماشين
عبره وعبره كـون نطبق اثنين
مو قول وشعارات
وزنجيل ومراءات
كال الذله هيهات
كال وثبت الدين
اذا في دربه ماشين
شتعلمنه منــه
***************